ژبەر ئەرك بزاڤێن راگریا کۆلیژا پزیشکی ل زانکۆیا زاخۆ هەماهەنگی دگەل ڕێڤەبەریا ساخلەمیا زاخۆ و ڕێڤەبەریا نەخوشخانا بێدارێ و رولێ وانا دوەرار و پێشکەفتنا کۆلیژا پزیشکی و خۆ ئامادەکرن د پێشوازیا لیژنا دانپێدانێ یا وەزارەتا خواندنا بلند و ڤەکۆلینێن زانستی یا عیراقا فیدرال ل ڕۆژا ئێکشەمبێ ڕێکەفتی (٢٨/٣/٢٠٢١).

سەروکێ زانکۆیا زاخۆ (پ.د. لزگین عبدی جمیل)، ل ڕۆژا سێشەمبێ ڕێکەفتی ٣٠/٣/٢٠٢١ سەرەدانا کۆلیژا پزیشکی کر و ژلایێ راگرێ کۆلیژێ (پ.د. نوفل رشید حسێن) و ڕێڤەبەر نەخۆشخانا بێدارێ پێشوازی لێ هاتە کرن. 

سەرۆکێ زانکۆیێ سوپاسیا راگرێ کۆلیژا پزیشکی و ستاڤێ کۆلیژێ کر و هیڤیا سەرکەفتنا بەردەوام دکار و بزاڤێن واندا خاست و کارێ وانا بەرز نرخاند. 

هەروەسا باس ل چەندین خالێن گرنگێن سیستەمێ خواندنێ و چەوانیا ب ڕێڤەبرنا کارێ وان هاتە کرن، ژ لایەکێ دی ڤە سەرۆکێ زانکۆیا زاخۆ چاڤ ب ڕڤەبەریا نەخۆشخانا بێدارێ کەفت و سوپاسی و پێزانینێن خۆ ئاراستەی وان کرن ژبۆ هاریکاریا وان یا بەردەوام و هەماهەنگی و هاوکاریا ڕێڤەبەریا ساخلامیا زاخۆ ب کارەکێ پیرۆز دا زانین. 

هەژییە بێژین لیژنەیا دانپێدانا زانکۆیا زاخۆ ژ بەغدا بۆ ماوەیێ سێ ڕۆژان سەرەدانا زانکۆیا زاخۆکرن ژ لایێ کەسانێن شەهرەزاڤە هەلسەنگاندن بۆ زانکۆیێ هاتە کرن و ل دوماهیێ سوپاسییا زانکۆیا زاخۆ کرن ژبۆ پێشوازی و مێهڤاندارییا وان یا جوان.